މި ވެބްސައިޓް ފުރަތަމަ ލިޔުން މި ލިޔަނީ ވަރަށް ވެސް ފޮނި އުންމީދު ތަކަކާއި އެކުގައެވެ. މި ވެބްސައިޓަކީ ލ.އަތޮޅުގެ އެންމެހާ ރައްޔިތުންނަށް ވަރަށް ގިނަ ގުނަ ފަސޭހަ ތަކެއް ވެގެން ދާނެ ވެބްސައިޓަކަށް ވާނެ ކަމުގައި އަޅުގަނޑު އުންމީދު ކުރަމެވެ.

މި ވެބްސައިޓް ގެ ލިޔުންތެރިޔަކަށް ވުމުގެ ފުރުސަތު މިވަނީ ލ.އަތޮޅުގެ ހަމަ ކޮންމެ ފަރުދަކަށްމެ ހުޅުވާލެވިފައެވެ، މިކަމަށް ސައުގުވެރިވާ ފަރާތެއްވާނަމަ މި ސައިޓް ގައި ރެޖިސްޓްރީ ވުމުން ލިޔުންތެރިޔަކަށް ވުމުގެ ފުރުސަތު ހުޅުވިގެން ދާނެއެވެ.

މި ވެބްސައިޓަކީ މުޅި ލާމު އަތޮޅަށް ނިސްބަތް ކޮށް ލޯންޗް ކުރެވިފައިވާ ވެބްސައިޓަކަށް ވާތީ، އުންމީދަކީ އަވަސް މުސްތަގްބަލެއްގައި އަތޮޅުގެ ހުރިހާ ރަށަކުން ވެސް ހަބަރު، ފޮޓޯ، ވީޑިއޯ އަދި އެހެނިހެން މައުލޫމާތު ލިބި މި ވެބްސައިޓް މުއްސަނދި ވުމެވެ.

މި ވެބްސައިޓަށް ހަބަރު، ފޮޓޯ، ވީޑިއޯ އަދި އެހެނިހެން ލިޔުން ލިބެމުން ދާ ވަރަކަށް ވެބްސައިޓްގެ ޑިސައިނަށް ބޮޑެތި ބަދަލް ތައްގެނެސް އިތުރު ސަކްސަންތަކާއި ކެޓަގަރީތަކުގެ އިތުރުން ފޮޓޯ ގެލެރީ، ވީޑިއޯ ގެލެރީ އަދި އެހެނިހެން ބައިތައް އިތުރު ކުރަމުން ގެންދާނަމެވެ.

އަދި މިވެބްސައިޓް ކުރިއަށް ގެންދާނެ ގޮތާއިމެދު ނުވަތަ މި ވެބްސައިޓާމެދު އެއްވެސް ފާޑު ކިޔުމެއް ނުވަތަ ހިޔާލެއްވާނަމަ ތިރީގައިވާ ކޮމެންޓް ފޯރމް މެދުވެރިކޮށް ސުއޫރު ފާޅު ކުރުން އެދެމެވެ.

ކިޔުންތެރިން ދެއްވާ ކޮންމެ ހިޔާލަކަށް ނުވަތަ ފާޑު ކިޔުމަކަށް ހެޔޮހިތުން މަރުހަބާ ކިޔަމެވެ.

ސުކުރިއްޔާ

އަޒްމީ އަލީ

އެޑްމިން ޓީމް